كتابة الخواطر وأسسها السليمة


كتابة الخواطر



ناس كتير بتحب الخواطر وبتحب تقراها وبيبقي نفسها تكتب زيها
مئات الـfollowers علي صفحات ناس كتير عشان بيكتبوا خواطر حلوة وبننبهر بيها
ولو نفسكم تكتب خواطر يبقي اقرا البوست ده وان شاء الله يفيدكم


اولا الخاطرة ما هي الا احاسيس حقيقية وساخنة فلا يمكن ان تكون الخاطرة باردة لانها لن تحقق الهدف المرجو منها وهو ايصال مشاعر معينة للقراء عن طريق تلك الكلمات البسيطة 


تمام كدا عرفنا تعريف الخاطرة.... طب عشان نكتب خواطر نعمل ايه نعبر عن الي جوانا وخلاص........ لا طبعاً فيه شوية نصايح وهي كالاتي :
١-لازم نقسم الخاطرة بتاعتنا لخطوات وهي:
-عنوان الخاطرة وزي ما الكتاب بيبان من عنوانه الخاطرة كذلك
- البداية مهمة جداً وهي الي بتجذب القارء انه يكمل قراية الخاطرة كلها او حتي ما يقراش في حياته ليك تاني
موضوع الخاطرة والي بيبين انت بتتكلم عن ايه؟ واسباب الي بتتكلم عليه وبيبقي فيه الخيال لو الخاطرة محتاجة خيال بمعني اخر هو لب الموضوع
واخيرا النهاية ودي بتكون نهاية لخاطرتك وتحفيز للقارء انه يقرالك تاني وتاني وكتير


٢- تحديد الهدف: ودي حاجة مهمة اوي عشان لو عاوز تكون كاتب خواطر صح يبقي لازم تؤمن ان الي بتكتبه بيكون ليك وعشان تخرج بيه احسايس جواك تفيدك وتفيد الغير ده هدف عام لكن في اهداف تانية بتختلف باختلاف نوع الخاطرة هدف الاقي..... ديني..... ترفيهي.... الخ


٣- ضمير المخاطب..... ده بيحسس الي بيقرا الخاطرة انه الكلام موجه ليه وده بيوصل الشعور اسرع ويحقق الهدف اسرع ويمكن يكون سبب في تغيير الي قرا الخاطرة بسرعة كبيرة وهينالك يا فاعل الخير


٤- تنوع المواضيع: ما بين رومانسي لترفيهي لاخلاقي لديني لحتي الرياضية وغيرها مواضيع وده هيبين للقراء ثقافتك الواسعة وحبك للاطلاع الدائم 


٥- عدم خلط الاجناس الادبية: يعني حضرتك بتكتب خواطر مش لو صدفت وعرفت تجمع قافية متشابهة تقول علي نفسك شاعر ركز بالله عليك


٦- استخدام الصور والتشبيهات المجازية: خير الامور الوسط ما تكترش في الصور والخيال عشان الخاطرة تطول وفي الآخر تبقي مملة وما تفدش حد وما حدش هيقرالك تاني
دي شوية نصائح لكن احب انوه عن اخطاء نتجنبها برده زي :


١- التكرار سواء في الخيال او المواضيع او الكلام جوا الخاطرة الواحدة هيؤدي للملل بالتاكيد
٢- المماطلة: انك تتطول في اي خطوة من خطوات الخاطرة السابق ذكرها برده يؤدي للملل
٣- لبس الكلمات والركاكة وعدم سلامة اللغة :نمي اللغة عندك عشان يبان مدي ثقافتك وعشان كتاباتك تبقي صح
٤- الكذب والسرقة: حضرتك مش تسرق خاطرة او فكرة حتي وتكذب وتقول بتاعتي او تحور فيه دي حتي مش اخلاق كتاب
الخفر والحياء: مش عشان تكسب معجبين كتير تقول الفاظ لا تليق بالكتابة ولا بيك وتكون ارتكبت ذنوب
تشتتيت التركيز وعدم التوغل في الخيال: لان التوغل في الخيال ياما هيشتتك او يشتت القارء وفي كلتا الحالتين خطا وكتر المواضيع في نفس الخاطرة هيشتت برده 


وفي النهاية اتمني يكون الموضوع فادكم وفادني ولاني بحب العملي جربوا بعد ما تقروا الموضوع تكتبوا خاطرة بالاسلوب ده وناخد راي بعض فيها



لمناقشة الكتاب : جروب أطلب كتابك
لتحميل المزيد من الكتب ، او اطلب كتاب : موقع اطلب كتابك

كمثقف انشر الكتب بين اصدقائك على

الفيسبوك تويترجوجل بلس
روابط التحميل كلها تعمل ، ولكن مع الوقت تقوم خوادم جوجل درايف او فورشيرد او ميديافاير بحذفها ، لذا نرجو منك ترك تعليق بالاسفل هنا ، وسنقوم بتجديد الرابط ،

تنويه : اذا وجدت رابط لا يعمل ، كتاب له حقوق ملكية ، او اردت نشر كتاب او مقال خاص بك على الموقع : راسلنا عن طريق رسائل صفحة أطلب كتابك

عن الموقع

الموقع تابع لجروب اطلب كتابك ، نرجو منك متابعتة على فيسبوك